ನವದೆಹಲಿ: ಕೃಷಿ ಸಂಶೋಧನೆ ಮತ್ತು ಶಿಕ್ಷಣ ಇಲಾಖೆ (DARE) ಹಾಗೂ ಭಾರತೀಯ ಕೃಷಿ ಸಂಶೋಧನಾ ಮಂಡಳಿ (ICAR) ದೇಶಾದ್ಯಂತ ತನ್ನ ಸಂಸ್ಥೆಗಳಲ್ಲಿ ಅಕ್ಟೋಬರ್ 2ರಂದು ವಿಶೇಷ ಸ್ವಚ್ಛತಾ ಅಭಿಯಾನ 6.0ಕ್ಕೆ ಚಾಲನೆ ನೀಡಿವೆ.
ಸ್ವಚ್ಛ ಮತ್ತು ಆರೋಗ್ಯಕರ ಕಾರ್ಯಸ್ಥಳಗಳನ್ನು ಉತ್ತೇಜಿಸುವುದು, ಸಾರ್ವಜನಿಕರ ಸಹಭಾಗಿತ್ವ ಹೆಚ್ಚಿಸುವುದು ಹಾಗೂ ಸ್ವಚ್ಛತೆಯನ್ನು ನಿರಂತರ ಅಭ್ಯಾಸವನ್ನಾಗಿಸುವುದು ಅಭಿಯಾನದ ಉದ್ದೇಶವಾಗಿದೆ. ನವದೆಹಲಿಯ ಪುಸಾದಲ್ಲಿರುವ ರಾಷ್ಟ್ರೀಯ ಕೃಷಿ ವಿಜ್ಞಾನ ಸಂಕೀರ್ಣದಲ್ಲಿ ICAR ಅಧಿಕಾರಿಗಳು ಸ್ವಚ್ಛತಾ ಕಾರ್ಯದಲ್ಲಿ ಪಾಲ್ಗೊಂಡರು.
ಅಭಿಯಾನದಡಿ ಸಂಸ್ಥೆಗಳ ಆವರಣ, ಗ್ರಾಮಗಳು, ರಸ್ತೆಗಳು ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಸ್ವಚ್ಛತಾ ಕಾರ್ಯ, ಶ್ರಮದಾನ, ಜಾಗೃತಿ ಕಾರ್ಯಕ್ರಮ ಹಾಗೂ ಪ್ಲಾಗಿಂಗ್ ಚಟುವಟಿಕೆಗಳನ್ನು ಆಯೋಜಿಸಲಾಯಿತು. ‘ಏಕ್ ಪೆಡ್ ಮಾ ಕೆ ನಾಮ್’ ಅಭಿಯಾನದಡಿ ಸಸಿಗಳನ್ನು ನೆಡುವುದು, ಹಸಿರೀಕರಣ, ಕಸದ ಬುಟ್ಟಿಗಳ ವಿತರಣೆ, ಹಳೆಯ ಕಡತಗಳ ವಿಲೇವಾರಿ ಮತ್ತು ಸ್ವಚ್ಛಗೊಳಿಸಿದ ಸ್ಥಳಗಳ ಸೌಂದರ್ಯವರ್ಧನೆಗೂ ಆದ್ಯತೆ ನೀಡಲಾಯಿತು.
ಗೋವಾದ ICAR-ಕೇಂದ್ರ ಕರಾವಳಿ ಕೃಷಿ ಸಂಶೋಧನಾ ಸಂಸ್ಥೆಯಲ್ಲಿ ಕೇಂದ್ರ ಕೃಷಿ ಸಚಿವ ಶಿವರಾಜ್ ಸಿಂಗ್ ಚೌಹಾಣ್ ಅವರು ಸಫಾಯಿ ಮಿತ್ರರನ್ನು ಸನ್ಮಾನಿಸಿದರು. ಸ್ವಚ್ಛತಾ ಹಿ ಸೇವೆ 2026ರಲ್ಲಿ ಸಂಸ್ಥೆಯ ಪಾಲ್ಗೊಳ್ಳುವಿಕೆಯನ್ನು ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಶ್ಲಾಘಿಸಿದರು.
DARE ಕಾರ್ಯದರ್ಶಿ ಹಾಗೂ ICAR ಮಹಾನಿರ್ದೇಶಕ ಮಂಗಿ ಲಾಲ್ ಜಾಟ್ ಅವರು ಸ್ವಚ್ಛತೆಯನ್ನು ವರ್ಷವಿಡೀ ಪಾಲಿಸುವಂತೆ ಕರೆ ನೀಡಿದರು. ಸ್ವಚ್ಛ ಪರಿಸರವು ಉದ್ಯೋಗಿಗಳ ಕ್ಷೇಮ, ವೈಜ್ಞಾನಿಕ ಪ್ರಗತಿ ಮತ್ತು ಸಾರ್ವಜನಿಕ ಆರೋಗ್ಯಕ್ಕೆ ಪೂರಕವಾಗಿದೆ ಎಂದರು.
ಹೈದರಾಬಾದ್, ಝಾನ್ಸಿ ಹಾಗೂ ಶ್ರೀ ವಿಜಯಪುರಂನ ICAR ಸಂಸ್ಥೆಗಳಲ್ಲೂ ಅಭಿಯಾನ ನಡೆಯಿತು. ಶ್ರೀ ವಿಜಯಪುರಂನಲ್ಲಿ 85 ಸಿಬ್ಬಂದಿ ಭಾಗವಹಿಸಿ, ಸುಮಾರು 55 ಸಸಿಗಳನ್ನು ನೆಟ್ಟರು.
