ಮುಂಬೈ: ಮುಂಬೈ ಇಂಡಿಯನ್ಸ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು 5 ವಿಕೆಟ್ ನಷ್ಟಕ್ಕೆ ಭರ್ಜರಿ 243 ರನ್ ಕಲೆಹಾಕಿದರೂ, ಸನ್‌ರೈಸರ್ಸ್ ಹೈದರಾಬಾದ್ ತಂಡ ಅದ್ಭುತ ಚೇಸಿಂಗ್ ಮೂಲಕ 8 ಎಸೆತಗಳು ಬಾಕಿ ಇರುವಾಗಲೇ 249 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು.
ಮುಂಬೈ ಪರ ರಯಾನ್ ರಿಕಲ್ಟನ್ ಅಜೇಯ 123 ರನ್ ಸಿಡಿಸಿ ಮಿಂಚಿದರು. ಜೊತೆಗೆ ವಿಲ್ ಜ್ಯಾಕ್ಸ್ (46) ಮತ್ತು ಹಾರ್ದಿಕ್ ಪಾಂಡ್ಯ (31) ತಂಡಕ್ಕೆ ಬಲ ನೀಡಿದರು. ರಿಕಲ್ಟನ್ ಕೇವಲ 44 ಎಸೆತಗಳಲ್ಲಿ ಶತಕ ಪೂರೈಸಿದ್ದು, ಮುಂಬೈ ಪರ ವೇಗದ ಶತಕದ ದಾಖಲೆ ನಿರ್ಮಿಸಿದರು.
ಪ್ರತ್ಯುತ್ತರವಾಗಿ ಹೈದರಾಬಾದ್ ಪರ ಟ್ರಾವಿಸ್ ಹೆಡ್ 76 ರನ್, ಅಭಿಷೇಕ್ ಶರ್ಮಾ 45 ರನ್ ಗಳಿಸಿದರು. ಇಶಾನ್ ಕಿಶನ್ ಡಕೌಟ್ ಆಗಿ ನಿರಾಸೆ ಮೂಡಿಸಿದರು. ಬಳಿಕ ನಿತೀಶ್ ಕುಮಾರ್ ರೆಡ್ಡಿ 21 ರನ್ ಗಳಿಸಿ ಔಟಾದರು.
ಅಂತಿಮ ಘಟ್ಟದಲ್ಲಿ ಹೆನ್ರಿಚ್ ಕ್ಲಾಸೆನ್ ಅಜೇಯ 65 ಮತ್ತು ಸಲೀಲ್ ಅರೋರಾ ಅಜೇಯ 30 ರನ್ ಬಾರಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.
ಮುಂಬೈ ಆರಂಭಿಕ ಜೋಡಿ ಜ್ಯಾಕ್ಸ್-ರಿಕಲ್ಟನ್ ಮೊದಲ ವಿಕೆಟ್‌ಗೆ 93 ರನ್ ಸೇರಿಸಿ ಉತ್ತಮ ನೆಲೆ ನಿರ್ಮಿಸಿತ್ತು. ಆದರೆ ಅಂತಿಮವಾಗಿ ಹೈದರಾಬಾದ್ ಬ್ಯಾಟರ್‌ಗಳ ಸ್ಫೋಟಕ ಆಟಕ್ಕೆ ಮುಂಬೈ ಬೌಲರ್‌ಗಳು ಉತ್ತರ ಕಾಣಲಿಲ್ಲ.
