ಮಂಗಳೂರು: ದೂರದೂರುಗಳಿಗೆ ಪ್ರಯಾಣಿಸುವ ರೈಲ್ವೆ ಪ್ರಯಾಣಿಕರಿಗೆ ಅನುಕೂಲ ಕಲ್ಪಿಸುವ ನಿಟ್ಟಿನಲ್ಲಿ ಭಾರತೀಯ ರೈಲ್ವೆ ಎರಡು ಪ್ರಮುಖ ವಿಶೇಷ ರೈಲುಗಳ ಸೇವೆಯನ್ನು ನವೆಂಬರ್ 2026ರ ಅಂತ್ಯದವರೆಗೆ ವಿಸ್ತರಿಸಿದೆ. ಅಹಮದಾಬಾದ್–ಮಂಗಳೂರು ಜಂಕ್ಷನ್ ಹಾಗೂ ಕಾನ್ಪುರ ಸೆಂಟ್ರಲ್–ಮಧುರೈ ನಡುವಿನ ವಿಶೇಷ ರೈಲುಗಳ ಸೇವೆ ವಿಸ್ತರಣೆಯಾಗಿದ್ದು, ವಿಸ್ತರಿತ ಅವಧಿಯಲ್ಲಿ ಪ್ರತಿ ರೈಲು 13 ಟ್ರಿಪ್‌ಗಳನ್ನು ನಡೆಸಲಿದೆ.
ರೈಲುಗಳ ವೇಳಾಪಟ್ಟಿ ಮತ್ತು ನಿಲುಗಡೆಗಳಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ದಕ್ಷಿಣ ರೈಲ್ವೆ ತಿಳಿಸಿದೆ.
ಗುಜರಾತ್ ಮತ್ತು ಕರಾವಳಿ ಕರ್ನಾಟಕದ ನಡುವೆ ಸಂಚರಿಸುವ ಪ್ರಯಾಣಿಕರಿಗೆ ಅಹಮದಾಬಾದ್–ಮಂಗಳೂರು ವಿಶೇಷ ರೈಲು ಸೇವೆ ಅನುಕೂಲವಾಗಲಿದೆ.
ರೈಲು ಸಂಖ್ಯೆ 09424 (ಅಹಮದಾಬಾದ್–ಮಂಗಳೂರು ಜಂಕ್ಷನ್): ಸೆಪ್ಟೆಂಬರ್ 4ರಿಂದ ನವೆಂಬರ್ 27ರವರೆಗೆ ಪ್ರತಿ ಶುಕ್ರವಾರ ಸಂಚರಿಸಲಿದ್ದು, ಒಟ್ಟು 13 ಟ್ರಿಪ್‌ಗಳನ್ನು ನಡೆಸಲಿದೆ.
ರೈಲು ಸಂಖ್ಯೆ 09423 (ಮಂಗಳೂರು ಜಂಕ್ಷನ್–ಅಹಮದಾಬಾದ್): ಸೆಪ್ಟೆಂಬರ್ 5ರಿಂದ ನವೆಂಬರ್ 28ರವರೆಗೆ ಪ್ರತಿ ಶನಿವಾರ ಸಂಚರಿಸಲಿದ್ದು, 13 ಟ್ರಿಪ್‌ಗಳನ್ನು ಪೂರ್ಣಗೊಳಿಸಲಿದೆ.
ಕಾನ್ಪುರ–ಮಧುರೈ ವಿಶೇಷ ರೈಲುಗಳಿಗೂ ವಿಸ್ತರಣೆ
ಉತ್ತರ ಪ್ರದೇಶ ಮತ್ತು ತಮಿಳುನಾಡು ನಡುವೆ ಸಂಚರಿಸುವ ಪ್ರಯಾಣಿಕರ ಅನುಕೂಲಕ್ಕಾಗಿ ಕಾನ್ಪುರ–ಮಧುರೈ ವಿಶೇಷ ರೈಲುಗಳ ಸೇವೆಯನ್ನೂ ವಿಸ್ತರಿಸಲಾಗಿದೆ.
ರೈಲು ಸಂಖ್ಯೆ 01925 (ಕಾನ್ಪುರ ಸೆಂಟ್ರಲ್–ಮಧುರೈ): ಸೆಪ್ಟೆಂಬರ್ 2ರಿಂದ ನವೆಂಬರ್ 25ರವರೆಗೆ ಪ್ರತಿ ಬುಧವಾರ ಸಂಚರಿಸಲಿದೆ.
ರೈಲು ಸಂಖ್ಯೆ 01926 (ಮಧುರೈ–ಕಾನ್ಪುರ ಸೆಂಟ್ರಲ್): ಸೆಪ್ಟೆಂಬರ್ 5ರಿಂದ ನವೆಂಬರ್ 28ರವರೆಗೆ ಪ್ರತಿ ಶನಿವಾರ ಸಂಚರಿಸಲಿದೆ. ಎರಡೂ ರೈಲುಗಳು ತಲಾ 13 ಟ್ರಿಪ್‌ಗಳನ್ನು ನಡೆಸಲಿವೆ.
ಕಾನ್ಪುರ–ಮಧುರೈ ವಿಶೇಷ ರೈಲುಗಳ ಮುಂಗಡ ಟಿಕೆಟ್ ಬುಕಿಂಗ್ ಈಗಾಗಲೇ ಆರಂಭವಾಗಿದೆ. ಅಹಮದಾಬಾದ್–ಮಂಗಳೂರು ವಿಶೇಷ ರೈಲುಗಳ ವಿಸ್ತರಿತ ಸೇವೆಯ ಮುಂಗಡ ಬುಕಿಂಗ್ ಶೀಘ್ರದಲ್ಲೇ ಆರಂಭವಾಗಲಿದೆ ಎಂದು ಪಶ್ಚಿಮ ರೈಲ್ವೆ ತಿಳಿಸಿದೆ.
