ನಗೋಯಾ: ಜಪಾನ್ನ ಐಚಿ-ನಗೋಯಾದಲ್ಲಿ ನಡೆಯಲಿರುವ 2026ರ ಏಷ್ಯನ್ ಗೇಮ್ಸ್ನ ಕ್ರಿಕೆಟ್ (T20) ಪಂದ್ಯಾವಳಿಯ ವೇಳಾಪಟ್ಟಿ ಪ್ರಕಟವಾಗಿದೆ. ಕ್ರಿಕೆಟ್ ಪಂದ್ಯಗಳು ಸೆಪ್ಟೆಂಬರ್ 17ರಿಂದ ಅಕ್ಟೋಬರ್ 3ರವರೆಗೆ ನಿಸ್ಶಿನ್ನ ಕೊರೊಗಿ ಅಥ್ಲೆಟಿಕ್ ಪಾರ್ಕ್ನಲ್ಲಿ ನಡೆಯಲಿವೆ.
ಪುರುಷರ ವಿಭಾಗದ ಪಂದ್ಯಗಳು ಸೆಪ್ಟೆಂಬರ್ 24ರಿಂದ ಆರಂಭವಾಗಲಿದ್ದು, ಒಟ್ಟು 10 ತಂಡಗಳು ಕಣಕ್ಕಿಳಿಯಲಿವೆ. ಹಾಲಿ ಚಾಂಪಿಯನ್ ಭಾರತ ಸೇರಿದಂತೆ ಭಾರತ, ಪಾಕಿಸ್ತಾನ, ಶ್ರೀಲಂಕಾ ಮತ್ತು ಬಾಂಗ್ಲಾದೇಶ ತಂಡಗಳು ರ್ಯಾಂಕಿಂಗ್ ಆಧಾರದ ಮೇಲೆ ನೇರವಾಗಿ ಕ್ವಾರ್ಟರ್ಫೈನಲ್ಗೆ ಅರ್ಹತೆ ಪಡೆದಿವೆ.
10 ತಂಡಗಳ ನಡುವೆ ಪದಕದ ಪೈಪೋಟಿ
ಅಫ್ಘಾನಿಸ್ತಾನ, ನೇಪಾಳ, ಜಪಾನ್, ಒಮಾನ್, ಮಲೇಷ್ಯಾ ಮತ್ತು ಹಾಂಗ್ಕಾಂಗ್ ಚೀನಾ ತಂಡಗಳು ಮೊದಲ ಹಂತದಲ್ಲಿ ಸೆಣಸಲಿವೆ. ಇವುಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದ್ದು, ಪ್ರತಿ ಗುಂಪಿನ ಅಗ್ರ ಎರಡು ತಂಡಗಳು ಕ್ವಾರ್ಟರ್ಫೈನಲ್ಗೆ ಪ್ರವೇಶಿಸಲಿವೆ.
ಪುರುಷರ ಕ್ವಾರ್ಟರ್ಫೈನಲ್ಗಳು ಸೆಪ್ಟೆಂಬರ್ 28 ಮತ್ತು 29ರಂದು, ಸೆಮಿಫೈನಲ್ಗಳು ಅಕ್ಟೋಬರ್ 1ರಂದು ನಡೆಯಲಿವೆ. ಕಂಚಿನ ಪದಕ ಹಾಗೂ ಚಿನ್ನದ ಪದಕದ ಪಂದ್ಯಗಳು ಅಕ್ಟೋಬರ್ 3ರಂದು ನಡೆಯಲಿವೆ.
ಮಹಿಳೆಯರ ಟೂರ್ನಿ ಸೆಪ್ಟೆಂಬರ್ 17ರಿಂದ 22ರವರೆಗೆ ನಡೆಯಲಿದ್ದು, ಎಂಟು ತಂಡಗಳು ನೇರವಾಗಿ ಕ್ವಾರ್ಟರ್ಫೈನಲ್ ಹಂತದಿಂದ ಸ್ಪರ್ಧೆ ಆರಂಭಿಸಲಿವೆ. ಭಾರತ ಎರಡೂ ವಿಭಾಗಗಳಲ್ಲಿ ಹಾಲಿ ಚಾಂಪಿಯನ್ ಆಗಿದೆ.
