ನವದೆಹಲಿ: ಜೂನ್ 12 ರಿಂದ ಇಂಗ್ಲೆಂಡ್ ಮತ್ತು ವೇಲ್ಸ್ನಲ್ಲಿ ಆರಂಭವಾಗಲಿರುವ ಮಹಿಳಾ ಟಿ20 ವಿಶ್ವಕಪ್ಗೆ ಭಾರತ ತನ್ನ 15 ಸದಸ್ಯರ ತಂಡವನ್ನು ಪ್ರಕಟಿಸಿದೆ. ಹೊಸ ಮುಖಗಳು ಮತ್ತು ಅನುಭವಿ ಆಟಗಾರ್ತಿಯರ ಸಮತೋಲನ ಹೊಂದಿರುವ ತಂಡವು ಗಮನಸೆಳೆಯುತ್ತಿದೆ.
ಯುವ ವೇಗಿ ನಂದಿನಿ ಶರ್ಮಾ (Nandini Sharma) ಅವರಿಗೆ ಇದೇ ಮೊದಲ ಬಾರಿಗೆ ರಾಷ್ಟ್ರೀಯ ತಂಡದಲ್ಲಿ ಅವಕಾಶ ಲಭಿಸಿದ್ದು, ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ ತೋರಿದ ಅದ್ಭುತ ಪ್ರದರ್ಶನವೇ ಈ ಆಯ್ಕೆಗೆ ಕಾರಣವಾಗಿದೆ. ಜೊತೆಗೆ ವಿಕೆಟ್ ಕೀಪರ್-ಬ್ಯಾಟರ್ ಯಸ್ತಿಕಾ ಭಾಟಿಯಾ (Yastika Bhatia) ತಂಡಕ್ಕೆ ಮರಳಿದ್ದಾರೆ.
ತಂಡದ ನಾಯಕತ್ವವನ್ನು ಅನುಭವಿ ಆಲ್ರೌಂಡರ್ ಹರ್ಮನ್ಪ್ರೀತ್ ಕೌರ್ (Harmanpreet Kaur) ವಹಿಸಿಕೊಂಡಿದ್ದು, ಸ್ಮೃತಿ ಮಂಧಾನ (Smriti Mandhana) ಉಪನಾಯಕಿಯಾಗಿದ್ದಾರೆ.
ಆದರೆ, ಸ್ಪೆಷಲಿಸ್ಟ್ ಬ್ಯಾಟರ್ಗಳಾದ ಪ್ರತಿಕಾ ರಾವಲ್ (Pratika Rawal) ಮತ್ತು ಹರ್ಲೀನ್ ಡಿಯೋಲ್ (Harleen Deol) ಅವರನ್ನು ಟಿ20 ತಂಡದಿಂದ ಹೊರಗಿಡಲಾಗಿದೆ. ಗಾಯದ ಸಮಸ್ಯೆಯಿಂದಾಗಿ ಆಲ್ರೌಂಡರ್ಗಳಾದ ಅಮನ್ಜೋತ್ ಕೌರ್ (Amanjot Kaur) ಮತ್ತು ಕಾಶ್ವಿ ಗೌತಮ್ (Kashvee Gautam) ಕೂಡ ತಂಡದಲ್ಲಿ ಸ್ಥಾನ ಪಡೆಯಲಿಲ್ಲ.
ಇದರಲ್ಲಿ ವಿಶೇಷವೆಂದರೆ, ಜುಲೈ 10ರಿಂದ 13ರವರೆಗೆ ಲಾರ್ಡ್ಸ್ನಲ್ಲಿ ನಡೆಯಲಿರುವ ಇಂಗ್ಲೆಂಡ್ ವಿರುದ್ಧದ ಏಕೈಕ ಟೆಸ್ಟ್ ಪಂದ್ಯಕ್ಕೆ ಪ್ರತಿಕಾ ರಾವಲ್ ಅವರನ್ನು ಆಯ್ಕೆ ಮಾಡಲಾಗಿದೆ. ಹರ್ಲೀನ್ ಡಿಯೋಲ್ ಮುಂಬರುವ ಏಕದಿನ ಸರಣಿಯಲ್ಲಿ ಭಾರತ ‘ಎ’ ತಂಡವನ್ನು ಮುನ್ನಡೆಸಲಿದ್ದಾರೆ.
🎥 The moment #TeamIndia's squad for the ICC Women's T20 World Cup 2026 was revealed 🙌
🗣️ BCCI Honorary Secretary Mr Devajit Saikia @lonsaikia announced India's 1️⃣5️⃣-member squad for the highly-awaited #T20WorldCup 🇮🇳#WomenInBlue pic.twitter.com/bf2cKyg2Yo
— BCCI Women (@BCCIWomen) May 2, 2026
ಡಬ್ಲ್ಯೂಪಿಎಲ್ನಲ್ಲಿ ದೆಹಲಿ ಕ್ಯಾಪಿಟಲ್ಸ್ ಪರ 10 ಪಂದ್ಯಗಳಲ್ಲಿ 17 ವಿಕೆಟ್ ಪಡೆದ ನಂದಿನಿ ಶರ್ಮಾ ಗಮನಾರ್ಹ ಸಾಧನೆ ಮಾಡಿದ್ದು, ಈ ವರ್ಷದ ಮಹಿಳಾ ಏಷ್ಯಾ ಕಪ್ ರೈಸಿಂಗ್ ಸ್ಟಾರ್ಸ್ ಟೂರ್ನಮೆಂಟ್ನಲ್ಲೂ ಭಾರತವನ್ನು ಪ್ರತಿನಿಧಿಸಿದ್ದರು.
ವೇಗದ ದಾಳಿಯಲ್ಲಿ ರೇಣುಕಾ ಸಿಂಗ್ ಠಾಕೂರ್ (Renuka Singh Thakur), ಅರುಂಧತಿ ರೆಡ್ಡಿ (Arundhati Reddy) ಮತ್ತು ಕ್ರಾಂತಿ ಗೌಡ (Kranti Goud) ಸ್ಥಾನ ಪಡೆದಿದ್ದಾರೆ. ಅನುಭವಿ ಆಲ್ರೌಂಡರ್ ಪೂಜಾ ವಸ್ತ್ರಕರ್ (Pooja Vastrakar) ಕೂಡ ತಂಡದಿಂದ ಹೊರಗುಳಿದಿದ್ದಾರೆ.
ಬ್ಯಾಟಿಂಗ್ ವಿಭಾಗದಲ್ಲಿ ಸ್ಮೃತಿ ಮಂಧಾನ, ಶಫಾಲಿ ವರ್ಮಾ (Shafali Verma) ಮತ್ತು ಜೆಮಿಮಾ ರೋಡ್ರಿಗಸ್ (Jemimah Rodrigues) ಅಗ್ರ ಕ್ರಮಾಂಕದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮಧ್ಯಮ ಕ್ರಮಾಂಕದಲ್ಲಿ ರಿಚಾ ಘೋಷ್ (Richa Ghosh), ದೀಪ್ತಿ ಶರ್ಮಾ (Deepti Sharma) ಮತ್ತು ಭಾರ್ತಿ ಫುಲ್ಮಾಲಿ (Bharati Fulmali) ತಂಡಕ್ಕೆ ಬಲ ನೀಡಲಿದ್ದಾರೆ.
ಸ್ಪಿನ್ ವಿಭಾಗದಲ್ಲಿ ದೀಪ್ತಿ ಶರ್ಮಾ ಜೊತೆಗೆ ಶ್ರೇಯಾಂಕ ಪಾಟೀಲ್ (Shreyanka Patil), ಶ್ರೀ ಚರಣಿ (Shree Charani) ಮತ್ತು ರಾಧಾ ಯಾದವ್ (Radha Yadav) ಸೇರಿದ್ದಾರೆ.
ಕಳೆದ ವರ್ಷ ಏಕದಿನ ವಿಶ್ವಕಪ್ ಗೆದ್ದ ತಂಡದಂತೆಯೇ ಇರುವ ಈ ತಂಡದೊಂದಿಗೆ ಭಾರತವು ಟಿ20 ವಿಶ್ವಕಪ್ನಲ್ಲಿ ತನ್ನ ಗೆಲುವಿನ ಸರಣಿಯನ್ನು ಮುಂದುವರಿಸಲು ಸಜ್ಜಾಗಿದೆ.
