ವಾಷಿಂಗ್ಟನ್: ಇರಾನ್ ಬಂದರುಗಳಿಗೆ ಸಮುದ್ರ ವಾಣಿಜ್ಯ ಪ್ರವೇಶ ಅಥವಾ ನಿರ್ಗಮನವನ್ನು ತಡೆಯುವ ನಿಟ್ಟಿನಲ್ಲಿ ಯುನೈಟೆಡ್ ಸ್ಟೇಟ್ಸ್ ತನ್ನ ನೌಕಾ ಕ್ರಮಗಳನ್ನು ಮತ್ತಷ್ಟು ಬಲಪಡಿಸಿದೆ. ಇದುವರೆಗೆ ಒಟ್ಟು 42 ವಾಣಿಜ್ಯ ಹಡಗುಗಳನ್ನು ತಡೆಹಿಡಿದಿರುವುದಾಗಿ ಅಮೆರಿಕ ಸೇನೆ ಹೇಳಿಕೊಂಡಿದೆ.
United States Central Command ಮುಖ್ಯಸ್ಥ ಬ್ರಾಡ್ ಕೂಪರ್ ಎಕ್ಸ್ನಲ್ಲಿ ಪ್ರಕಟಿಸಿದ ಹೇಳಿಕೆಯಲ್ಲಿ, “ದಿಗ್ಬಂಧನವನ್ನು ಉಲ್ಲಂಘಿಸಲು ಯತ್ನಿಸಿದ್ದ 42ನೇ ಹಡಗನ್ನು ಯಶಸ್ವಿಯಾಗಿ ಮರುನಿರ್ದೇಶಿಸಲಾಗಿದೆ. ಇದು ಮಹತ್ವದ ಮೈಲಿಗಲ್ಲು,” ಎಂದು ತಿಳಿಸಿದ್ದಾರೆ.
United States Central Command said U.S. forces have been enforcing a maritime blockade on Iran for more than two weeks, stating that the operation has significantly disrupted economic trade entering and leaving the country by sea. #NYI pic.twitter.com/wUTo0j1u9m
— NewYork-Insight (@NewYork_Insight) April 30, 2026
ದಿಗ್ಬಂಧನದಿಂದಾಗಿ ಪ್ರಸ್ತುತ 41 ಟ್ಯಾಂಕರ್ಗಳಲ್ಲಿ ಸುಮಾರು 69 ಮಿಲಿಯನ್ ಬ್ಯಾರೆಲ್ ತೈಲ ಸಿಲುಕಿಕೊಂಡಿದ್ದು, ಇದರ ಮೌಲ್ಯವು 6 ಬಿಲಿಯನ್ ಡಾಲರ್ಗಿಂತ ಹೆಚ್ಚು ಎಂದು ಅಂದಾಜಿಸಲಾಗಿದೆ. ಇದರಿಂದ ಇರಾನ್ ತನ್ನ ತೈಲ ರಫ್ತು ಆದಾಯದಲ್ಲಿ ದೊಡ್ಡ ಹೊಡೆತ ಅನುಭವಿಸುವ ಸಾಧ್ಯತೆ ಇದೆ.
ಇರಾನ್ ಈ ಕ್ರಮವನ್ನು ತೀವ್ರವಾಗಿ ಖಂಡಿಸಿದ್ದು, ಇದನ್ನು “ಕಡಲ್ಗಳ್ಳತನ” ಎಂದು ಕರೆದುಕೊಂಡಿದೆ. ದೇಶದ ಪ್ರಮುಖ ಮಿಲಿಟರಿ ಘಟಕವಾದ ಖತಮ್ ಅಲ್-ಅನ್ಬಿಯಾ ಕೇಂದ್ರ ಪ್ರಧಾನ ಕಚೇರಿ, ಹಡಗುಗಳಲ್ಲಿ ಸಿಬ್ಬಂದಿ ಕುಟುಂಬಗಳು ಇದ್ದ ಕಾರಣ ತಕ್ಷಣ ಪ್ರತಿಕ್ರಿಯೆ ನೀಡಲಾಗಲಿಲ್ಲ ಎಂದು ಸ್ಪಷ್ಟಪಡಿಸಿದೆ.
